ᑳ ᐅᐦᐱᑳᐳᐧᐃᐦᑖᑭᓂᐧᐃᒡ 1986 ᑳ ᐄᒋᔥᑖᒡ ᐋᐦ ᐱᐳᐦᒡ, ᐄᔨᔨᐤ ᑳᒻᐱᓃ (ᑭᔮ ᐋᔑᓂᐦᑳᑎᑭᓂᐧᐃᒡ ᒉᐃᒥᔅ ᐯᐃᐦ ᐧᑳᕐᐳᕃᐃᔑᓐ) ᐋᑯᑎᐦ ᑳ ᐅᔑᐦᑖᑭᓂᐧᐃᒡ ᓛᑭᕌᓐ (1986) ᓂᔅᑯᒧᐧᐃᓐ ᑳ ᒦᓯᓂᐦᐅᓱᒡ ᐄᔨᔨᐅᒡ, ᑯᐯᒃ ᐅᔅᑯᑎᒥᐦᒑᓯᐤ, ᑭᔮᐦ ᑯᑎᑭᒡ ᐊᐧᐋᓂᒌ᙮ ᐊᓂᑖᐦ ᒫᒃ ᐅᐦᒋ ᐋᐦ ᐃᐦᑎᑯᐦᒡ ᐊᓐ ᐧᐋᒋᐦᒡ ᒥᓯᓂᐦᐄᒑᐅᑭᒥᒄ ᒋᓵᓰᐲᐦᒡ, ᐄᔨᔨᐤ ᑳᒻᐱᓃ ᑭᓂᐧᐋᐱᐦᑎᒻ ᐱᔥᒡ ᐋᐦ ᐄᔑ ᐹᒋ ᐱᒋᔅᑎᓈᑭᓂᐧᐃᐧᐃᔨᒡᐦ ᔔᔮᓐᐦ ᐊᓂᔮ ᑳ ᐄᔑ ᓂᔅᑯᒥᓈᓂᐧᐃᐧᐃᔨᒡ ᑭᔮᐦ ᑳᓂᐧᐋᐱᐦᑎᐦᒃ ᐊᓂᔮ ᐹᒦᐦᑭᑭᓂᐧᐃᐧᐃᔨᒡᐦ ᓂᓈᐦᑭᐤ ᒑᐧᑳᔨᐤᐦ ᐅᑖᐦ ᐄᔨᔨᐅᔅᒌᐦᒡ ᐋᔑ ᐧᐄᒋᐦᐄᐧᐋᐱᔨᔨᒡ᙮ ᐋᔪᐧᐃᒄ ᐧᐋᐦ ᐄᔑ ᐃᐦᑐᑎᐦᒡ ᒑ ᒌᐦ ᒌᐦᑳᔮᐱᐦᑖᑭᓂᐧᐃᐧᐃᔨᒡ ᐄᔨᔨᐤ ᐱᒫᑎᓰᐧᐃᓂᔨᐤ, ᐊᑎᑎᐤ ᒑ ᒌᐦ ᒥᔪᐱᑳᔅᒋᐦᐅᓈᓂᐧᐃᐧᐃᔨᒡ ᑭᔮᐦ ᒥᔪᐱᒫᑎᓰᓈᓂᐧᐃᐧᐃᔨᒡ, ᒑ ᐃᐦᑎᑎᐦᒡ ᒋᔅᑯᑎᒫᒑᐧᐃᓂᔨᐤ ᑭᔮᐦ ᒑ ᐅᑖᔅᑯᓈᑭᓂᐧᐃᐧᐃᔨᒡᐦ ᐄᔨᔨᐤᐦ, ᑭᔮᐦ ᒑ ᒌᐦ ᐧᐄᒋᐦᑖᒡ ᐊᑎᑎᐤ ᒑ ᒌᐦ ᒥᔪᐧᐄᒑᐱᑎᓰᒥᑐᔨᒡᐦ ᐄᔨᔨᐤᐦ ᑭᔮᐦ ᑯᐯᒃ ᐅᔅᑯᑎᒥᐦᒑᓯᐤᐦ᙮

ᐃᐦᑖᐧᐃᒡ ᐊᐧᐋᓂᒌ ᐋᐦ ᒋᔥᑎᐱᔥᑎᐦᒡ ᐊᓂᔮ ᐄᔨᔨᐤ ᑳᒻᐱᓃ ᑳ ᐄᔑᓂᐦᑳᑖᔨᒡ ᑭᔭᐦ ᐅᑖᐦ ᐹᔨᑯᔥᑖᐤ ᐋᐦ ᐃᐦᑎᓂᔨᒡ ᐦ ᐄᔨᔨᐤ ᐃᐦᑖᐧᐃᓐᐦ ᐋᑯᑖᐦ ᐧᐋᐦᒌᒡ, ᐄᔨᔨᐤ ᑎᐹᔨᐦᒋᒑᓰᓈᐦᒡ ᑭᔮᐦ ᐦᐋᐃᑦᕈ-ᑯᐯᒃ᙮ ᒥᒥᐦᑖᑯᓱᐧᐃᒡ ᑭᔮᐦ ᒥᒥᐦᒋᐦᐄᑯᐧᐃᒡ ᐋᐦ ᐧᐄᒑᐱᑎᓰᒥᑐᒡ ᒑ ᒌᐦ ᐧᐋᐦᒌᓈᓂᐧᐃᐧᐃᔨᒡ ᐋᐦ ᐊᔨᒥᐦᐄᑐᓈᓂᐧᐃᐧᐃᔨᒡ ᐅᑖᐦ ᐄᔨᔨᐅᔅᒌᐦᒡ ᑭᔮᐦ ᐅᑖᐦ ᒉᐃᒥᔅ ᐯᐃᐦ ᐄᑖᐦᒑ᙮

ᐋᑯᑎᐦ ᑳ ᒋᔥᒋᐱᔨᐦᑖᑭᓂᐧᐃᒡ 2004 ᑳ ᐄᒋᔥᑖᒡ ᐋᐦ ᐱᐳᐦᒡ ᑭᔮᐦ ᐋᑯᑖᐦ ᐋᐦᑎᑯᐦᒡ ᐊᓐ ᒥᓯᓂᐦᐄᒑᐅᑭᒥᒄ ᐊᓂᑖᐦ ᐧᐋᐦᒋ ᐱᒥᐱᔨᐦᑖᑭᓂᐧᐃᒡ ᐅᑖᐦ ᒥᔅᑎᓯᓃᐦᒡ, ᐊᓐ ᒫᒃ ᐄᔨᔨᐤ ᑳᒥᔪᓂᑫᐃᔑᓐᔅ ᓀᑦᐧᐃᕐᒃ ᓂᒥᔮᔨᐤ ᓈᔥᒡ ᒥᔥᑏᐦ ᒑ ᒌᐦ ᐅᔑᐦᐋᒡ ᔓᐧᐃᔮᓐᐦ ᐧᐋᐦ ᐃᐦᑐᑎᐦᒡ ᒥᒄ ᐧᐄᐦ ᐱᒥᐱᔨᐦᑖᐧᐃᒡ ᐋᐦ ᒥᐧᔮᔨᒡ ᒑ ᒌᐦ ᐅᐦᒋ ᐧᐋᐦᒌᓈᓂᐧᐃᐧᐃᔨᒡ ᐋᐦ ᐊᔨᒥᐦᐄᑐᓈᓂᐧᐃᐧᐃᔨᒡ ᐅᑖᐦ ᐄᔨᔨᐤ ᐃᐦᑖᐧᐃᓂᐦᒡ ᐅᑖᐦ ᐄᔨᔨᔅᒌᐦᒡ ᑭᔮᐦ ᐃᐦᑖᐧᐃᓐᐦ ᐅᑖᐦ ᐹᔓᒡ ᐋᐦ ᐃᐦᑎᑯᓂᔨᒡᐦ ᒉᐃᒥᔅ ᐯᐃᐦ᙮ ᐄᔨᔨᐤ ᑳᒥᔪᓂᑫᐃᔑᓐᔅ ᓀᑦᐧᐃᕐᒃ ᐋᐅᒄ ᐧᐋᐦᒋ ᒌᐦ ᐅᔑᐦᑖᑭᓂᐧᐃᒡ ᐋᑳ ᓈᔥᒡ ᐋᔥᒄ ᒥᔪᐱᔨᐦᐄᑯᒡ ᐅᑖᐦ ᐋᐦ ᐋᔨᒥᐦᐄᑐᒡ ᐋᐦ ᑖᐦᑭᐦᐄᒑᐱᔨᒡ ᐅᑖᐦ ᐊᑎᒫᐲᓯᒻ ᑭᔮᐦ ᐋᐦ ᑖᐦᑭᐦᐅᑯᒡ ᐊᐧᐋᓂᒌ ᐅᑖᐦ ᐋᐦ ᐃᐦᑖᒡ, ᐊᓂᑎᐦ ᒑ ᒌᐦ ᐅᐦᒋ ᒥᔪᐱᔨᒡ ᐋᐱᑎᓰᐧᐃᓐ ᑭᔮᐦ ᒑ ᒌᐦ ᐅᑖᔅᑯᓈᑭᓂᐅᐧᐃᒡ ᐊᐧᐋᓂᒌ ᐅᑖᐦ ᐊᑎᒫᐲᓯᒻ ᐧᐋᒋᒡ, ᒑ ᒌᐦ ᒌᐦᑳᔮᔨᐦᑖᑯᐦᒡ ᐋᔑ ᐱᒫᑎᓰᒡ ᐄᔨᔨᐅᒡ ᑭᔮᐦ ᐄᔥᒌᒫᐅᒡ, ᐅᒋᔅᒑᔨᐦᑎᒧᐧᐃᓂᐧᐋᐤ ᑭᔮᐦ ᐅᑭᔅᒋᐦᐅᐧᐃᓂᐧᐋᐤ ᐅᑖᐦ ᐋᐦ ᐃᐦᑎᑯᓂᔨᒡ ᐋᐦ ᐧᐄᒋᒡ᙮

ᐃᔅᑯᑎᒃ ᑳ ᐅᑎᐦᒋᐱᔨᒡ 2018 ᐋᐦ ᐱᐳᐦᒡ, ᐄᔨᔨᐤ ᑳᒥᔪᓂᑫᐃᔑᓐᔅ ᓀᑦ ᐧᐃᕐᒃ ᒌᐦ ᒌᔑ ᐧᐃᔮᐹᑭᒧᐦᑖᐤ 3000 ᑭᐧᓛᒥᑎᕐᔅ ᐋᐦ ᐄᔅᐧᑳᔨᒡ ᒑ ᒌᐦ ᐋᐱᑎᓂᔨᒡ ᐅᑖᐦ ᐊᑎᒫᐲᓯᒻ, ᐊᓂᑎᐦ ᓈᔥᒡ ᒑ ᒌᐦ ᐅᐦᒋ ᒋᔑᐱᔨᒡ ᐋᐦ ᐋᔨᒥᐦᐄᑐᓈᓂᐧᐃᐧᐃᔨᒡ ᑭᔮᐦ ᐋᐦ ᒥᓯᓂᐦᐋᒫᑐᓈᓂᐧᐃᐧᐃᔨᒡ ᐊᓂᑎᐦ ᒑ ᒌᐦ ᐅᐦᒋ ᐋᐱᑎᓂᔨᒡ ᓂᑐᐦᑯᔨᓈᐱᑎᓰᐧᐃᓂᐦᒡ, ᒋᔅᑯᑎᒫᒑᐧᐃᓂᐦᒡ, ᐋᐦ ᐋᐱᑎᔒᔥᑎᑭᓂᐧᐃᐧᐃᔨᒡ ᒥᓯᐧᐋ ᐅᑖᐦ ᐊᑎᒫᐲᓯᒻ ᒑ ᒌᐦ ᐃᔮᐧᑳᒥᓰᓈᓂᐧᐃᐧᐃᔨᒡ ᑭᔮᐦ ᑭᓂᐧᐋᔨᐦᑖᑯᓂᔨᒡ, ᑭᔮᐦ ᐊᓂᑖᐦ ᐊᐧᐋᓂᒌ ᐧᐄᒋᐧᐋᐦᒡ ᒑ ᒌᐦ ᐋᐱᒋᔥᑖᒡ, ᐄᓐᑎᕐᓀᑦ ᐋᐦ ᐋᐱᒋᔥᑖᒡ, ᐋᐦ ᐅᐦᒋ ᐊᔨᒥᒡ ᐧᐄᒋᐧᐋᐦᒡ, ᑭᔮᐦ ᐋᐦ ᑎᑳᔥᑖᐦᑖᒡ ᐊᓂᑖᐦ ᐧᐄᒋᐧᐋᐦᒡ ᑭᔮᐦ ᒑ ᒌᐦ ᐋᐱᑎᐦᒡ ᐊᓂᑖᐦ ᐋᐦ ᐋᐱᑎᓰᓈᓂᐧᐃᒡ᙮

ᐊᓂᑖᐦ ᒫᒃ ᔦᓗᓈᐃᕝ, ᐧᓈᕐᕪᐧᐁᔅᑦ ᑌᕆᐧᑖᕇᔅ ᐋᑯᑖᐦ ᐋᐦ ᐃᐦᑎᑯᐦᒡ ᐊᓐ ᓈᑳᓂᔥᑖᒡ ᒥᓯᓂᐦᐄᒑᐅᑭᒥᒄ ᐊᓂᑎᐦ ᐧᐋᐦᒋ ᐱᒥᐱᔨᐦᑖᑭᓂᐧᐃᒡ, ᐅᑖᐦ ᒌᔑᑯᐦᒡ ᑳ ᐧᐋᔅᑳᐱᔨᒡ ᐊᓂᑎᐦ ᐧᐋᐦᒋ ᐋᐱᑎᓰᒥᑭᐦᒡ ᐊᓂᑖᐦ ᐄᔑ ᐅᑕᐧᐋ, SSi Canada ᐅᐧᐋᔨᓯᓂᐦᐋᒻ, ᐅᔑᐦᑖᐤ ᑭᔮᐦ ᐱᒥᐱᔨᐦᑖᐤ ᒑ ᒌᐦ ᐧᐋᐦᒌᓈᓂᐧᐃᐧᐃᔨᒡ ᐋᐦ ᐊᔨᒥᐦᐄᑐᓈᓂᐧᐃᐧᐃᔨᒡ ᑭᔮᐦ ᒥᓯᓂᐦᐋᒫᑐᓈᓂᐧᐃᐧᐃᔨᒡ᙮ SSi ᐋᐅᒄ ᓃᔥᑎᒻ ᐧᑳᒋᔥᑖᑦ ᒑ ᒌᐦ ᐧᐋᐦᒋᔨᓈᓂᐧᐃᐧᐃᔨᒡ ᐋᐦ ᐊᔨᒥᐦᐄᑐᓈᓂᐧᐃᐧᐃᔨᒡ ᑭᔮᐦ ᒥᓯᓂᐦᐋᒫᑐᓈᓂᐧᐃᐧᐃᔨᒡ ᐅᑖᐦ ᐊᑎᒫᐲᓯᒻ ᑭᔮᐦ ᒌᐦ ᐱᐦᑯᐦᑖᐤ ᐋᐦ ᒌᐦᑳᔮᐱᒫᑭᓂᐧᐃᑦ SSi Mobile and QINIQ ᐊᓂᔮ ᐋᔑ ᐱᒥᐱᔨᐦᑖᑦ ᐅᑖᐦ ᓅᓈᕗᑦ᙮ ᐊᓐ ᒫᒃ SSi ᐋᑯᑎᐦ ᑳ ᐅᔑᐦᑖᑭᓂᐧᐃᒡ 1990, ᐋᐦ ᒌᐦᑳᔮᐱᐦᑎᑭᓂᐧᐃᒡ ᐊᓂᑖᐦ ᒑ ᒌᐦ ᐅᐦᒋ ᐱᒥᐱᔨᐦᑖᑭᓂᐧᐃᒡ ᓂᓈᐦᑭᐤ ᒑᐧᑳᓐ ᐋᑳ ᐄᑖᐹᑭᒧᐦᑖᑭᓂᐧᐃᒡ ᑭᔮᐦ ᒫᒫᐦᒌᑖᐹᑭᒧᐦᑖᑭᓂᐧᐃᒡ ᒑᐧᑳᓐ᙮

ᓂᓯᑐᐦᑎᒧᒡ SSi ᐋᑳ ᐧᐋᐦᒋᔨᐧᐋᔨᒡ ᒑ ᒌᐦ ᐃᐦᑎᑎᑭᓂᐧᐃᐧᐃᔨᒡ ᐊᓂᔮ ᐋᐦ ᒥᐧᔮᔨᒡ ᑭᔮᐦ ᐋᑳ ᓈᔥᒡ ᐋᔨᒥᓂᔨᒡ ᐋᐦ ᑎᐱᐦᐄᒑᓂᐧᐃᐧᐃᔨᒡ ᐊᓂᑖᐦ ᐊᑎᒫᐲᓯᒻ ᑭᔮᐦ ᐧᐋᐦᔨᐤ ᐋᐦ ᐄᐦᑎᑯᓂᔨᒡᐦ ᐃᐦᑖᐧᐃᓐᐦ ᐋᐦ ᐊᔨᒥᐦᐄᑐᓈᓂᐧᐃᐧᐃᔨᒡ ᑭᔮᐦ ᐋᐦ ᒥᓯᓂᐦᐋᒫᑐᓈᓂᐧᐃᐧᐃᔨᒡ᙮ ᒌᐦ ᒋᔥᒋᐱᔨᑖᐤ SSi ᐅᔮ ᒑ ᒌᐦ ᐃᐦᑎᑯᓂᔨᒡ ᐋᑳ ᐋᔥᒄ ᓂᐦᑖ ᐅᐦᒋᔥᑎᑯᓂᔨᒡ, ᑭᔮᐦ ᐄᔨᐦᒡ ᐋᐦ ᐄᔑᓈᑯᓂᔨᒡ ᐊᓂᔮ ᓃᔥᑎᒻ ᑳ ᐃᐦᑎᑯᓂᔨᒡ ᐊᓂᑖᐦ ᐋᐦ ᐋᐱᔖᔑᔨᒡᐦ ᑭᔮᐦ ᐧᐋᐦᔨᐤ ᐋᐦ ᐄᐦᑎᑯᓂᔨᒡᐦ ᐃᐦᑖᐧᐃᓐᐦ᙮