ᐄᔨᔨᐤ ᒧᐱᓕᑏ ᔒᑐᔥᑭᒻ ᒋᓵᐲᓯᒻ ᐙᐱᒫᑯᔥᑐᐦᒡ ᐋᐦ ᐱᒥᐱᔨᐦᑖᑭᓂᐎᒡ ᐋᑳ ᒑ ᐐᐦ ᐋᐱᒋᔥᑖᑭᓂᐎᒡ ᒥᓂᐦᒀᐎᒡ, ᐅᑎᐦ ᐃᐦᑖᐎᓂᐦᒡ ᐋᐦ ᑭᓂᐙᐱᐦᑎᑭᓂᐎᒡ ᒑ ᐄᔥᐱᔥ ᐊᑯᒋᐦᒃ ᐆ ᐲᓯᒻ, ᐅᒌ ᐅᑎᐦ ᐙᒋᒡ ᒑ ᐄᔑ ᓈᓈᑭᒋᔥᑖᒡ, ᐋᑳ ᒑ ᐱᒫᔨᐦᑎᐦᒡ ᒥᓂᐦᒀᐎᓂᔨᐤ ᑭᔮᐦ ᒥᒋᓂᑐᐦᑯᔨᓐᐦ᙮ ᐆ ᒑ ᐄᔑ ᐱᒥᐱᔨᐦᑖᑭᓂᐎᒡ ᒥᓯᐙ ᐄᔨᔨᐤ ᐃᐦᑖᐎᓂᐦᒡ ᒋᑭ ᑖᐦᑭᐦᐄᒑᐱᔨᐤ, ᐊᓂᑎᐦ ᒑ ᒌᐦ ᐅᐦᒋ ᒥᔅᑭᑭᓂᐎᒡ ᐹᐦᐹᔨᒄ ᐊᐙᓐ ᒑ ᒌᐦ ᐊᔮᑦ ᒥᔅᑭᐎᓰᐎᓂᔨᐤ, ᒑ ᐴᓂᐦᑖᑭᓂᐎᒡ, ᑭᔮᐦ ᐊᑎᑎᐤ ᒑ ᒌᐦ ᒥᔪᐱᒫᑎᓰᓈᓂᐎᒡ᙮

ᔒᑐᔥᑭᑭᓂᐆ ᐅᑖᐦ ᐅᐦᒋ ᐄᔨᔨᐤ ᒧᐱᓕᑏ ᐋᔑᑯᒥᐱᐳᓐ ᐋᐦ ᑯᒋᐦᐄᑐᓈᓂᐎᒡ ᒀᓪᕝ ᑳ ᐄᔑᓂᐦᑳᑖᒡ ᐋᐦ ᒫᑎᐙᓂᐎᒡ ᐅᑖᐦ ᐅᐦᒋ ᒋᓵᓰᐲᐦᒡ ᐋᐦ ᓈᓈᑭᒋᔥᑖᑭᓂᐎᒡ ᒫᑎᐙᐎᓐ ᐋᐦ ᒫᒨᐱᔥᑎᑭᓂᐎᒡ᙮ ᐆ ᒥᔮᑎᐙᓂᐎᒡᐦ ᐋᔑᑯᒥᐱᐳᓐᐦ ᒥᐦᒑᑐ ᒥᑖᐦᑐᒥᑎᓂᐤ ᐐᒋᐦᐄᐙᐎᒡ ᐅᑖᐦ ᐋᐦ ᐅᐦᒌᒡ ᐊᐙᓂᒌ᙮

ᐄᔨᔨᐤ ᒧᐱᓕᑏ ᔒᑐᔥᑭᐙᐅᐎᒡ ᐙᐱᒫᑯᔥᑐ ᑣᒸᐦᐅᒃᔅᐦᐅᑮ ᐋᐦ ᐐᒋᐦᐄᑐᔨᒡᐦ, ᐅᑖᐦ ᐋᐦ ᐅᐦᒋ ᒫᒨᐱᔥᑎᑭᓂᐎᒡ ᐙᐱᒫᑯᔥᑐᐦᒡ ᒫᑎᐙᐎᓐ᙮

ᐋᔪᐧᐃᒄ ᐅᔮ ᔖᑐᔥᑭᐦᒡ ᑭᔮᐦ ᐧᐋᒋᐦᑖᒡ ᐄᔨᔨᐤ ᒧᐱᓕᑏ Waswanipi Lightning ᐋᐦ ᑐᐦᐧᐋᓂᐧᐃᐧᐃᔨᒡ, Waswanipi Leisure ᑭᔮᐦ Sports Service ᐧᐋᐦᒋ ᑭᓂᐧᐋᐱᐦᑎᑭᓂᐧᐃᒡ. Waswanipi Leisure ᑭᔮᐦ Sports Service ᐅᑖᐦ ᐧᐋᐧᓵᓂᐲᐦᒡ ᐧᐋᐦᒋ ᐱᒥᐱᔨᐦᑖᑭᓂᐧᐃᒡ ᐋᐦ ᒫᑎᐧᐋᓂᐧᐃᒡ, ᐋᐦ ᐱᐹᒥᔅᑯᐱᔨᓈᓂᐧᐃᒡ, ᓂᓈᐦᑭᐤ ᐋᐦ ᐄᔑ ᑐᐦᐧᐋᓂᐧᐃᒡ ᑭᔮᐦ ᓛᑭᐧᕌᔅ᙮

ᐋᑯᑖᐦ ᒦᓐ ᐋᔑ ᐧᐄᒋᐦᐄᐧᐋᒡ ᐄᔨᔨᐤ ᒧᐱᓕᑏ ᒋᓵᓰᐲ ᐹᐧᐋᐤ, ᐋᔑᑯᒥᓃᐱᓐ ᐋᐦ ᓃᒥᓈᓂᐧᐃᒡ, ᐋᐦ ᑖᐧᐋᐦᐄᒑᓂᐧᐃᒡ ᑭᔮᐦ ᐋᐦ ᓂᑭᒧᓈᓂᐧᐃᒡ᙮

ᐄᔨᔨᐤ ᒧᐱᓕᑏ ᐋᔪᐧᐃᒄ ᒦᓐ ᐧᐋᒋᔥᑖᒡ ᐋᐦ ᑯᐧᑳᒋᔅᑭᑎᐦᐅᑐᓈᓂᐧᐃᐧᐃᔨᒡ ᐅᑖᐦ ᒉᐃᒥᔅ ᐯᐃᐦ, ᐋᔑᑯᒥᐱᐳᓐᐦ ᐃᐦᑐᑖᑭᓂᐆ ᐅᑖᐦ ᔑᐳᑯᒨ ᔖᔥ 50 ᑎᐦᑐᐱᐳᓐᐦ ᐋᐦ ᒌᐦ ᐱᒥᐱᔨᐦᑖᑭᓂᐧᐃᒡ᙮ ᓃᔓ ᒫᒃ ᒥᓯᐦᑖ ᐅᑎᐦ ᑳᐦᓈᑖᐦ ᐱᒥᐱᔨᐦᑖᑭᓂᐆ President’s Walk ᑭᔮᐦ Cross-Country ᑳ ᐄᔑᓂᐦᑳᑖᒡ, ᐋᐦ ᐱᒧᐦᑖᓂᐧᐃᒡ ᐊᐅᔅᑖᐦ 345 ᑭᐧᓛᒥᑎᕐᔅ ᐋᐦ ᐄᔅᐧᑳᒡ ᐋᐦ ᒥᔥᑎᑯᔅᑳᒡ ᐋᐦ ᐱᒧᐦᑖᓂᐧᐃᒡ᙮ ᐋᐅᒄ ᒫᐅᒡ ᒫᔖᒡ ᑭᔮᐦ ᓈᔥᑖᐧᐹᐦ ᒧᒋᒋᐦᐄᐧᐋᐤ ᐅᑖᐦ ᐊᑎᒫᐲᓯᒻ ᐄᑖᐦᒑ᙮

ᐄᔨᔨᐤ ᒧᐱᓕᑏ ᐧᐄᒋᔥᑖᐧᐃᒡ ᔑᐳᑯᒨ ᐱᐹᒥᔅᑯᐱᔨᐅᑭᒥᑯᔨᐤ, ᐊᓂᑎᐦ ᒥᔮᑎᐧᐋᒡ ᐋᐦ ᐱᐹᒥᔅᑯᐱᔨᓈᓂᐧᐃᐧᐃᔨᒡ Les Ambassadeurs de Chibougamau ᑳ ᐄᓯᓂᐦᑳᓱᒡ ᑭᔮᐦ ᐋᐦ ᒥᒫᐦᑖᐅᐱᐹᒥᔅᑯᐱᔨᓈᓂᐧᐃᐧᐃᔨᒡ Les Lames Givrées de Chibougamau ᑳ ᐄᓯᓂᐦᑳᓱᒡ᙮

ᐋᔪᐧᐃᒄ ᒦᓐ ᐧᐋᒋᔥᑖᒡ ᐄᔨᔨᐤ ᒧᐱᓕᑏ ᐋᐦ ᑯᐧᑳᒋᐦᐄᑐᓈᓂᐧᐃᐧᐃᒡ ᐋᐦ ᒫᑎᐧᐋᓂᐧᐃᐧᐃᔨᒡ ᐋᐦ ᐱᐹᒥᔅᑯᐱᔨᓈᓂᐧᐃᐧᐃᔨᒡ ᐅᑖᐦ ᔑᐳᑯᒨ᙮ ᐊᔑᑯᒥᐱᐳᓐᐦ ᐆ ᐱᒥᐱᔨᐤ ᐊᐅᔅᑖᐦ ᓃᔥᑎᓂᐤ ᐋᐦ ᒥᓈᔨᑎᒡ ᒫᑎᐧᐋᓲᒡ ᐋᐦ ᑯᒋᐦᐄᑐᒡ ᑭᔮᐦ ᓈᔥᒡ ᐋᐦ ᒥᐦᒑᑎᒡ ᐊᐧᐋᓂᒌ ᐋᐦ ᓈᓈᑭᒋᐦᐄᐧᐋᒡ ᐅᑖᒥᓯᐦᑖ ᐊᑎᒫᐲᓯᒻ ᐃᐦᑎᐧᐃᓐᐦ ᑭᔮᐦ ᐄᔨᔨᐤ ᐃᐦᑖᐧᐃᓐᐦ ᐋᐦ ᐅᐦᒋᐱᔨᒡ᙮

ᐋᔪᐧᐃᒄ ᒦᓐ ᐧᐋᒋᔥᑖᒡ ᐄᔨᔨᐤ ᒧᐱᓕᑏ ᐅᒋᐳᑯᒨ ᐋᐦ ᐅᒋᐧᑳᒋᒑᓂᐧᐃᐧᐃᔨᒡ ᐅᑳᐤᐦ, ᐋᔑᑯᒥᐱᐳᓐᐦ ᐋᐦ ᐱᒥᐱᔨᔨᒡ ᐋᐦ ᐧᐄᐦ ᐅᒋᐧᑳᑖᒡ ᐊᐧᐋᓂᒌ ᒫᐅᒡ ᐋᐦ ᒥᓯᒋᔅᑎᔨᒡᐦ ᐅᑳᐤᐦ᙮ ᐋᑯᑎᐦ ᒑ ᒌᐦ ᐱᑯᐦᐋᑭᓂᐧᐃᒡ $20,00 ᐄᔥᐱᔥ ᔓᐧᐃᔮᓐ ᑭᔮᐦ ᐅᑖᐦ ᔖᐯᐃ ᑭᔮᐦ ᐅᐱᒥᔅᑳᐅᓵᑭᐦᐄᑭᓂᐦᒡ ᐋᑯᑖᐦ ᐧᐋᒋᐧᑳᒋᒑᓂᐧᐃᒡ᙮

ᐋᔪᐧᐃᒄ ᒦᓐ ᐧᐋᒋᔥᑖᒡ ᐄᔨᔨᐤ ᒧᐱᓕᑏ ᐋᔑᑯᒥᐱᐳᓐᐦ ᓈᐤ ᒌᔑᑳᐤ ᐋᐦ ᐱᒥᐱᔨᒡ ᐋᐦ ᓂᑭᒧᓈᓂᐧᐃᒡ ᐅᐦᐱᐦᐆᐲᓯᒻ ᐋᑯᒋᒃᐦ ᐱᔥᑎᐧᑳᔮᐅᒡ ᐋᐦ ᓂᑭᒧᒡ᙮ ᐊᐅᔅᑖᐦ 75 ᐃᐦᑎᔓᐧᐃᒡ ᒫᓐ ᐊᐧᐋᓂᒌ ᐅᑎᐦ ᐊᑎᒫᐲᓯᒻ ᑯᐯᒃ ᐋᐦ ᐅᐦᒌᒡ ᐋᐦ ᓅᑯᐦᑖᒡ ᐅᑭᔅᒋᐦᐅᐧᐃᓂᐧᐋᐤ ᐋᐦ ᓂᑭᒧᒡ ᑭᔮᐦ ᐋᐦ ᒋᔅᑐᐦᒋᒑᒡ ᐋᔑᑯᒥᐱᐳᓐᐦ᙮ ᔖᔥ ᒫᒃ ᒥᑖᐦᑐᐱᐳᓐᐦ ᒌᐦ ᐱᒥᐱᔨᐤ ᐆ ᐅᑖᐦ ᔑᐳᑯᒨ᙮ ᐋᐅᒄ ᒫᐅᒡ ᒫᐦᒑᑎᓈᓂᐧᐃᒡ ᐆ ᐋᐦ ᓂᑭᒧᓈᓂᐧᐃᒡ ᐧᐃᔨᐧᐄᑎᒥᐦᒡ᙮

ᐄᔨᔨᐤ ᒧᐱᓕᑏ ᐧᐄᒋᐦᐋᐦᐧᐃᒡ ᔑᐳᑲᒨ ᑯ ᐋ ᕓᐃᓗ ᐋᐦ ᐱᒋᔅᑎᓈᒡ ᔓᐧᐃᔮᓐᐦ ᐋᐦ ᑯᒋᐦᐄᑐᓈᓂᐧᐃᐧᐃᔨᒡ ᑭᕌᓐᑦ ᑌᐃᕓᐃ ᐱᔦᕐ ᓛᕗᐧᐋ ᑳ ᐄᔑᓂᐦᑳᑖᔨᒡ᙮ ᐊᓐ ᑯᐋ ᕓᐃᓗ ᑳ ᐄᔑᓂᐦᑳᑖᒡ ᐋᑯᑎᐦ ᐧᐋᐦ ᒌᐦᑳᔮᔨᐦᑎᑭᓂᐧᐃᒡ ᒑ ᒌᐦ ᒧᔪᐱᒫᑎᓰᓈᓂᐧᐃᒡ ᐅᑎᐦ ᑯᐯᒃ ᓂᓈᐦᑭᐤ ᒑᐧᑳᓐ ᒑ ᒌᐦ ᐃᐦᑐᑎᑭᓂᐧᐃᒡ ᐊᓂᑎᐦ ᒑ ᒌᐦ ᐅᐦᒋ ᒥᔪᐱᒫᑎᓰᓈᓂᐧᐃᒡ᙮ ᒥᒑᑐ ᒋᔖᒥᑖᐦᑐᒥᑎᓂᐤ ᐊᐧᐋᓂᒌ ᐧᐄᒋᐦᐄᐧᐋᐧᐃᒡ ᐋᔑᑯᒥᐱᐳᓐᐦ ᑭᔮᐦ 1000 ᑭᐧᓛᒥᑎᕐᔅ ᐱᒥᐱᔨᓈᓂᐆ 60 ᑎᐦᐧᑖᐤ ᐋᐦ ᒌᓂᐦᐧᑳᓂᐦᑖᑦ ᐲᓯᒧᐦᑳᓐ ᐅᑖᐦ ᐅᐦᒋ ᓵᑲᓂᐁ-ᓛᒃ-ᓭᑎᓐᑦ ᔖᓐ ᐊᓂᑖᐦ ᐄᔑ ᐧᒫᓐᑎᕇᐧᔮᓪ, ᐋᔅᑭᐤ ᐋᐦ ᒋᐱᐦᒌᓈᓂᐧᐃᒡ ᓂᓈᐦᑭᐤ ᐃᐦᑖᐧᐃᓐᐦ ᐅᑎᐦ ᑯᐯᒃ᙮